नेपाली हिन्दुधर्मालम्बी हरुको महान पर्ब बिजया दशमी नजीकीदै गर्दा बिदेशीएका दाङका एक युवाले आफ्नो गाँउघर साथीभाई छरछिमेक र आफन्तहरुलाई गजल मार्फत यसरी सम्झीएका छन । उनले साथी हेमराज लाई(कान्छा) भन्ने शब्दले सम्झदै बिजया दशमीमा आफु बिदेशी भुमिबाट आउँदै गरेकोले साथीलाई तयारी गर्न गजल मार्फत आग्रह गरेका छन। 

गजल
दशै आयो घोर्ले खसी खोज्दै गर है कान्छा।

नया नया जुत्ता लुगा रोज्दै गर है कान्छा।।

                         धेरै बर्ष भैसक्यो बिरक्तेको यो परदेसमा ।
                        लिङ्गे पिङ्गलाइ ठुलो बाँस सोच्दै गर है कान्छा।।

यसपालि त तेरो दाइ आउँछ गाउमा उफ्रेर।
माथी पिपल धाराको बाटो छेक्दै गर है कान्छा।।

                       टोपे काले कार्की डल्लो सबै छन रे एसपालि त।
                       ठुलो हाङ्गामा पिङ्गको डोरी कस्दै गर है कान्छा।।

आकाशभरी तालचरी मिलेर उडेको हेर्न मन छ।
चरा जस्तै उड्ने चङ्गा खोज्दै गर है कान्छा।।

                      नदि पारी मायालुको गाउँ जानुपर्छ फेरि ।
                      बिग्रीराख्ने खटारो बाइक पुछ्दै गर है कान्छा।।

दशै आयो घोर्ले खसी खोज्दै गर है कान्छा।
नया नया जुत्ता लुगा रोज्दै गर है कान्छा।।

युबराज धिताल
दाङ तुल्सीपुर
हाल: सिङ्गापुर 

प्रतिकृया

प्रतिकृया