तुलसीपुर,
७-वैशाख /  दाङको तुलसीपुरमा कराते प्रतियोगिता शनिबारदेखि शुरु भएको छ ।

आठौं राष्ट्रिय खेलकुद अन्तर्गत पहिलो दिन चार वटा इभेन्ट मात्रै सम्पन्न हुँदा विभागीय क्लब पुलिसले बर्चश्व जमाएको छ ।

शनिबार भएका चार इभेन्ट मध्य तीन वटामा स्वर्ण पदक पुलिसले जित्दा एउटामा आर्मीले कव्जा गरेको छ ।


ADVERTISEMENT

  



पुरुष एकल कातामा नेपाल पुलिसका मन्देकाजी श्रेष्ठले स्वर्ण पदक जितेका छन् ।

यसैगरी कर्णाली प्रदेशका ललित खत्रीले रजत पदक जित्दा आर्मीका पर्शुराम वास्तोला र एपीएफका अनिल चौधरीले कास्य पदक जिते ।

यसैगरी महिला एकलकातामा नेपाल प्रहरीकी चन्चला दनुवारले स्वर्ण पदक जित्दा गैर आवासीय नेपाली संघ (एनआरएनए) की सुभद्रा श्रेष्ठले रजत पदक हात पारिन् ।

यसैगरी एपीएफकी प्रतिक्षा पाख्रिन र आर्मीकी संगीता मगरले कास्य पदक जितेका छन् । कराते अन्तर्गत शनिबारनै भएको टिम काताको पुरुषमा आर्मीले स्वर्ण पदक जित्दा नेपाल प्रहरीले रजत र कर्णाली र सुदूरपश्चिम प्रदेशले कास्य पदक हात पारे ।

यसैगरी महिला तर्फ नेपाल पुलिसले स्वर्ण पदक जित्दा रजत पदक आर्मीले जितेको छ । त्यसैगरी गण्डकी प्रदेश र प्रदेश १ ले कास्य पदक जिते ।

प्रतिकृया

प्रतिकृया