सल्यान
२३ साउन / सल्यानमा छोराले आमाको हत्या गरेका छन् । शारदा नगरपालिका-१३ माथिल्लो सल्यानचौरमा २३ वर्षीय नवीन भण्डारीले ४८ वर्षीया आमा शारदा भण्डारीको लाठी प्रहार गरी हत्या गरेका हुन् ।
नवीनले आज बिहान ४ बजेतिर एक्कासि आमाबुबा सुत्ने कोठामा गएर लाठीले टाउकोमा हानेर आमाको हत्या गरेको जिल्ला प्रहरी कार्यालयका प्रहरी निरीक्षक गोपाल श्रेष्ठले जानकारी दिए ।
प्रहरीले नवीनलाई नियन्त्रणमा लिएको छ । घटनाको थप अनुसन्धानको लागि जिल्ला प्रहरी कार्यालयबाट प्रहरी निरीक्षक सन्तोष खनालको कमाण्डमा प्रहरी टोली घटनास्थलमा खटिएको छ ।
