काठमाडौं
१०-माघ/ त्रिवि चिकित्सा शास्त्र अध्ययन संस्थान (आईओएम) मा विद्यार्थी र प्रहरीबीच झडप भएको छ । प्रशासनले प्रहरी लगाएर ताला खोलेको भन्दै विद्यार्थीले प्रहरी विरुद्ध नाराबाजी गर्ने क्रममा विद्यार्थी र प्रहरीबिच झडप भएको हो ।

विद्यार्थीले आईओएमको डीन कार्यालयमा लगाएको ताला प्रहरीले खोलेपछि केही समय तनाव भएको थियो । आईओएमको विकृति सुधारको माग गर्दै विद्यार्थीले विहान ताला लगाएका थिए ।

प्रहरीले सामान्य लाठी प्रहार गरेको छ भने केही विद्यार्थीलाई नियन्त्रणमा लिएको छ । चिकित्सा शिक्षा संघर्ष अभियान र होस्टल सुधार समूहले आईओएमको विकृतिविरूद्ध आन्दोलन गर्दै आएका छन् ।

विद्यार्थीहरूले होस्टेललाई व्यवस्थित गरि विकृति सुधार गर्नुपर्ने माग राखेका छन् । हेस्टेलमै आएर विद्यार्थीलाई प्रशासनले धम्क्याउने गरेको र थेक्नै नसक्ने गरी विद्यार्थी राखेको विद्यार्थीको आरोप छ ।

प्रतिकृया

प्रतिकृया