दाङ,
१८-चैत / दाङ निर्माण ब्यबसायी संघको निर्वाचनलाई लिएर निर्माण ब्यबसायिहरुको बिचमा बिबाद भएपछि संघको कार्यालय तोडफोड भएको छ । आज केही ब्यबसायिले निर्वाचन सार्न नहुने र तोकिएकै समयमा निर्वाचन गर्नु पर्ने माग गर्दै आएका थिए । अन्य निर्माण ब्यबसायिले ब्यबसायिको बिचमा साझा सहमती गरेर नेतृत्व चयन गर्नुपर्ने बताएका थिए ।
निर्वाचन सार्ने र नसार्ने दुबै पक्षका ब्यबसायिको बिचमा छलफलका क्रममा बिबाद उत्पन्न भएको थियो । छलफलकै क्रममा निर्वाचन सार्न नहुने पक्षले संघको अध्यक्ष इस्वर पुनको कार्यकक्षको सिसा तोडफोड गरेको जिल्ला प्रहरी कार्यालय दाङले जनाएको छ । घटना बारे अनुसन्धान भइरहेको प्रहरीले जनाएको छ । बिबादकै बिचमा कार्यालयको सिसा फुटाई दिएपछि केही समय असहज बाताबरण बनेको थियो ।
संघका अध्यक्ष पुनले संघका निबर्तमान अध्यक्ष गणेश गिरिले कार्यालयको सिसा फुटाइ दिएको दाबी गरे । आफुले कार्यालयको सिसा नफुटाएको भन्दै आफुमाथी गलत आरोप लगाईएको र अध्यक्षले नै आफुलाई अपशब्द प्रयोग गरेको गिरि दाबी थियो । गिरिले सिसा फुटाएको बिषयमा पुनले आफुमाथि हातपात गरेको आरोप लगाए । तर, पुनले आफुले कसैलाई हातपात नगरेको र गिरिले अकार्यालय परिसरमा अपशब्द बोल्दै सिसा फुटाउनु गैर जिम्मेवारी काम गरेको आरोप लगाए ।
यता निर्माण ब्यबसायी महासंघ लुम्बिनी प्रदेश अध्यक्ष बलिभद्र रानाले ब्यबसायिहरुको बिचमा बिबाद गरेर सस्था भित्र काम गर्न नसकिने भन्दै ब्यबसायीकै बिचमा सहमती कायम गरेर बैशाखको दोस्रो साताभित्र नयाँ नेतृत्व चयन हुने बताए । उनले ब्यबसायीकै बिबाद, निर्बाचनका लागि कसैले फारम नै नभरेपछि साझा सहमतिबाट नेतृत्व चयन गर्ने गरि नै अहिले अध्यक्षका दाबेदार इस्वर पुन, प्रबीण भण्डारिकै सहमतिमा निर्वाचन स्थगित गरिएको बताए ।
उनले निर्माण ब्यबसायी महासंघको केन्द्रिय तहबाट प्रतिनिधि राखेर अब निर्बिरोध कार्य समिती चयन हुने बताए । ब्यबसायीहरुको बिचमा झगडा, बिबाद गराएर नेतृत्व चयन गर्दा काम गर्न समस्या हुने भएकाले पनि सर्बसम्मत नेतृत्व बनाउन बनेको सिफारिस समितीको सल्लाहमा नै निर्बाचन स्थगित भएको प्रदेश अध्यक्ष रानाको भनाई छ ।
