लक्ष्मण बस्नेत, दाङ
३-चैत/ आउँदो चैत १० देखि १२ गतेसम्म चितवनमा हुने नेपाल कराते महासंघको केन्द्रिय साधारणसभा तथा अधिवेशनमा लुम्बिनी प्रदेशबाट मनोनित केन्द्रिय सदस्यका लागी हरि बहादुर घर्तीलाई सिफारिस गरि पठाउने निर्णय गरेको छ । नेपाल कराते महासंघका अध्यक्ष पदम बहादुर बस्नेतको अध्यक्षतामा बसेको बैठकले घर्तीलाई सिफारिस गरी पठाउँने निर्णय गरेको हो ।
त्यस्तै बैठकले अधिवेशन प्रतिनिधिमा संकर बिक, कृष्ण प्रसाद देवकोटा, बासुदेव बस्याल, मोलङ घर्तिमगर, कमला राणा र पर्वेक्षकमा केशवराज बिकलाई पठाउने सर्वसहमतिले निर्णय गरेको छ । साथै बैठकले अधिवेशन र अधिवेशनका अबसरमा हुने सातौ स्पोर्ट्स मिट कार्यक्रमलाई भब्य एवं सभ्य रुपले सम्पन्न गर्न केन्द्रिय निर्देशन अनुसार प्रत्यक जिल्लाबाट १०र १० जना गरि लुम्बिनी प्रदेशबाट १२० जना सिनियर खेलाडीलाई सहभागी गराउने, महासंघको कार्यालय दाङमा स्थापना गर्ने लगायतका निर्णय गरेको महासंघका अध्यक्ष बस्नेतले जानकारी दिए ।
यसैबिच सोही अवसरमा २०२३ मार्च ३ देखि ५ सम्म दुबईमा सम्पन्न अन्तराष्ट्रिय आमन्त्रित कराते प्रतियोगिताका कास्य पदक बिजेता मोहलाल थापा मगरलाई सम्मान गरिएको थियो । त्यस्तै राप्ती गाउँपालिका कराते परिवारले नेपाल कराते महासंघ लुम्बिनी प्रदेशका नवनिर्वाचित पदाधिकारी लाई स्वागत तथा सम्मान गरेको थियो ।
