दाङ,
४-चैत/ दाङ जिल्ला उद्योग वाणिज्य संघको १८ औँ साधारण सभा तथा ५३ औ स्थापना दिवसको अवसरमा आयोजित व्यवसायीहरु विच मैत्रि पुर्ण फुटवल प्रतियोगीतामा राप्ती अञ्चल अटो इनजीनियरीङ एशोसियसन दाङ शाखा विजयी भएको छ । शनिवार भएको फाइनल खेलमा १ का विरुद्ध ४ गोलले अटो व्यसायी समिती विजयी भएको फुटवल प्रतियोगीता समितीका संयोजक माधव खनालले जानकारी दिए । फाइनल खेल रेडिमेट फेन्सी व्यवसायी र राप्ती अञ्चल अटो इनजीनियरीङ एशोसियसन दाङ शाखा विच भएको थियो ।

फेन्सी व्यवसायीले १ गोल गरेका थिए भने अटो व्यवसायीले ४ गोल गरेका हुन । यसैगरेर नेपाल पत्रकार महासंघ दाङ शाखा र दाङ जिल्ला उद्योग वाणिज्य संघ विच भएको मैत्रीपूर्ण फुटबलमा पत्रकार महासंघ दाङको टीम विजयी भएको छ । शनिबार बिहान भरतपुर खेल मैदानमा भएको मैत्रीपूर्ण फुटबलमा उद्योग वाणिज्य संघको टीमलाई शुन्यका विरुद्ध २ गोलले पत्रकार महासंघको टीम विजयी भएको हो । खेलकुदका माध्यमबाट पत्रकार र उद्योगी व्यवसायी बीच मैत्रीपूर्ण सम्बन्ध कायम गर्न र स्वास्थ्यका लागि खेल आयोजना गरिएको संघका अध्यक्ष टंकसिंह बुढाथोकीले जानकारी दिए ।

संघमा आवद्ध विभिन्न बस्तुगत समितिबीच नक आउट चरणमा प्रतिष्पर्धा गराईएको थियो । संघका पुर्व अध्यक्ष माधवप्रसाद शर्माले रेफ्रीलाइ वल हस्तान्तरण गरेर खेलको सुरु गरिएको हो । यसैगरेर संघले आयोजना व्यवसायीहरु विच दौड प्रतियोगीतामा मनकर्ण के सी प्रथम र खेमराज भण्डारी द्धितीय भएको दौड प्रतियोगीताका संयोजक विनोदप्रसाद पाण्डेले जानकारी दिए । त्यसैगरेर बोरा दौड प्रतियोगीतामा गणेश पाण्डे प्रथम र भिमसेन डि सी द्धितिय भएको बोरा दौड प्रतियोगीताका संयोजक देवकला बस्नेतले जानकारी दिइन् । संघले व्यवसायीहरु विच मैत्रिपुर्ण प्रतियोगीता आयोजना गरेको हो । स्थापना दिवस तथा साधारण सभाको अवसरमा रक्तदान, फुटवल प्रतियोगीता, हाजिरी जवाफ, दौड, बोरा दौड प्रतियोगिता अयोजना गरेको हो ।

संघले व्यवसायी–व्यवसायीहरु बीच मैत्रीपूर्ण सम्बन्ध कायम गर्न, आपसमा चिन जान गराउनका लागि र खेलकुदको भावनाको विकासमा जोड दिने उद्देश्यका साथ हरेक वर्ष स्थापना दिवसको अवसरमा मैत्रीपूर्ण खेलकुद तथा सामाजिक काम गर्दै आएको छ । संघले चैत्र ९ गते स्थापना दिवस र चैत ११ गते साधारण सभा गर्न थालेको छ । कार्यक्रम संघका अध्यक्ष टंकसिंह वुढाथोकीको अध्यक्षता तथा संघका पुर्व अध्यक्ष एवम नेपाल उद्योग बाणिज्य महासंघका निर्वतमान सदस्य धुर्वराज श्रेष्ठ भारीको प्रमुख आतिथ्यतामा भएको थियो । कार्यक्रममा सहभागिहरुलाइ धन्यवाद ज्ञापन संघका वाणिज्य उपाध्यक्ष रामप्रसाद पोख्रेलले दिएका थिए । कार्यक्रमको सहजिकरण संघका महासचिव महेन्द्र वुढाथोकीले गरेका थिए ।

प्रतिकृया

प्रतिकृया